|
Los de la "peña"'l Morral
qu'escriben en el "Llibré"
(con palabras que pregonan
desde Cádiz a Cerllé
que los de Graus a su villa
saben de verdá queré)
ya hesen podíu contestale
a qui, de ben güena fe,
va mandales unas cosas
dánseles a conocé
como güen ribagorzano
que no querría creyé
que desatención alguna
pueda en chen de Graus cabé.
La causa de tal silencio
els la deben de sabé.
Pero no querría uno
que almiradó de Graus e
que se tratase de cosa
que fese desmerecé
(a chens que más que de lletras
de contáu qu'han de sabé)
del que vendeba navallas
en tierras per conocé,
figura de los que, en serio,
desde Cádiz a Cerllé
la fama de Graus estienden
con tesón, viveza y fe.
Y uno quiere consolase
pensán que podría sé
el que con la pllaza ixa
que tendrán con "angelé"
tan entusiasmáus están
(según s'ha podíu sabé)
que lo qu'e de menos monta
no los puede distrayé.
Que más querría uno ixo
que no que podese sé
desmerecimiento u falta,
uno no sabe de qué,
u qu'este ribagorzano
qu'uno habllaba de mocé
los de la "peña"'l Morral
no'l queresen entendé.
|
